Nagpinirmahay sa Joint Venture Agreement ang Kyogojo Engineering Service Cooop ug Mindanao Cooperatives Water Service Federation kagahapong adlawa.
Ang Kyogojo, mao ang nag supply og panubig sa Brgy. Lumbia, Taguanao, Baikingon ug Indahag.
Samtang ang Mindanao Cooperatives Water Service Federation, maoy mutabang sa paghatag og pinansyal nga assistance ngadto sa Kyogojo alang sa ilang operasyon sa panubig nga gilangkoban sa FICCO, Oro Integrated Cooperative, Xavier University Community Credit Coop, DMPI Employees and Community Credit Coop, Allied Services MPC, Oro Savings and Sharing Coop, City Hall Employees Multi Purpose Services MPC, Provincial Capitol Employees Multi-purpose Coop, CEPALCO Community MPC, MOGCHS Fres, Department of Agriculture MPC ug PPSC.
Tumong sa maong joint venture nga mapadali ang pag expand sa water service sa Kyogojo.
Nasayran nga adunay gi andam nga 1 billion pesos ang Mindanao Cooperatives Water Service Federation alang sa maong katuyuan. Samtang gihatagan og katin-awan sa Kyogojo ang nahitabong rally sa Brgy. Lumbia batok kanila.
Matud sa General Manager sa Kyogojo nga si Mr. Jed Lamarias, nga ang bag-ong administrasyon sa Brgy. Lumbia, maoy mihimo sa pag harass sa kyogojo ug naghatag kalibog ngadto sa mga konsumidor.
Kini gumikan kay imbes sa opisina sa Kyogojo, muhimo sa pagbayad ang mga konsumante, mihimo sa pag pangolekta ang Brgy. Hinungdan nga magpadayon ang pagpamutol sa taga Kyogojo, alang niadtong mga wala nagbayad kanila.
Samtang gituohan nga adunay ipasulod nga bag-ong supplier sa panubig sa Brgy. Lumbia ang maong opsiyal hinungdan nga gihimo niini ang pag harass sa Kyogojo.
Sa kasamtangan, nagpasaka na og kaso ang Kyogojo, batok sa kasamtangang administrasyon kinsa gitakda usab karong bulana, himuon ang mediation tali sa duha.
Tungod niini, gibarugan sa Kyogojo nga magpabilin ang ilang serbisyo sa panubig sa Barangay Lumbia kutob sa tuig 2028 basi sa ilang pinirmahang kontrata.
