General Santos City— Midepensa si Police Col. Gilberto Tuzon, City Director sa Gensan City police Office human sa alegasyopn sa Lanton Reformatory Center nga ang pinirisong gi-commit kanila ang hinungdan nga nasudlan ug COVID ang maong pasilidad.
Saysay niya nga higayon nga mapagawasan na ug commitment order ang mga piniriso, ang ilahang ginapakita mao lang chest x-ray ug uban pang basic sa medical ingon man certificate gikan sa doctor nga fit silang i-commit ug kini ang ilahang gina-comply.
Pag-angkon niya nga wala siya nasayud nga gipa-ilalom sa swab test sa RHU Labangal ang mga Person Under Police Custody kon PUPC sa Police Station 2 kung asa 20 ang mga nagpositibo.
Gi-awhag man usab ni Col. Tuzpon ang mga personahe sa RHU nga tan-awon ang mga standard operating procedure kon SOP sa kapulisan sa pagpahigayon ug swab test hilabi na sa han-ay sa kapulisan.
Kini gumikan kung usahon sa pagtest ang mga pulis, mahurot matud pa ang ilahang mga personahe hilabina kung tanan ang maapil sa contact tracing.
Dili na matud pa sila mahatagan ug dugang pwersa gikan sa Regional Headquarters gumikan sa karon daghan usab ang nagpositibo ug kasamtangang naka-lockdown.
