Gi-angkon ni Police Col. Aden Lagradante ang City Director sa General Santos City Police Office nga bisan unsa pa ka hugot sa ilahang ginapahigayon nga mga drug operation duna gyud gihapon mga tao nga nagapamaligya ug iligal nga droga.
Sumala pa niini nga amg droga nga ginabaligya sa syudad ang dili ginama dinhi sa syudad, sanglit ginabagsak lang sa mga courier sa syudad gikan sa kasigbit nga mga probinsya.
Dugang pa ni Lagradante nga ang Gensan ang sentro sa komersyo sa SOCKSARGEN hinungdan nga normal lang nga diri ang target sa mga drug pushers tungod gawas sulod ang mga tao gikan sa ubang lugar.
Samtang giangkon usab ni Col. Lagradante nga maglisod gayud sila ug dakop sa mga nagapasulod ug iligal nga droga sa syudad tungod kay dali lang kaayo kini itago sa bisan asa nga parti sa lawas sa tawo.
Hinungdan nga gikinahanglan gyud nila ug mas kusog nga intelligence report gikan sa ilahang mga source aron nga mapugngan ang pag sulod sa illegal drugs sa syudad.
Gipasalig usab niini nga ang General Santos City Police Office ang ginabuhat ang tanan aron nga masikop ang mga mosuway ug pasulod ug droga sa Gensan. (Dave Silagan)
