Pastor nga mitahan sa gobyerno nagmahay sa pag-apil niini sa kalihukan sa rebeldeng grupong New People’s Army

27

Sarangani Province–Dako ang pagmahay sa usa ka pastor nga gitago lang ang pangalan sa pag-apil sa kalihukan sa Rebeldeng Grupong New People’s Army kon NPA sa kabukirang bahin sa Malapatan Sararangani Province sa pagtuo nga muharohay ang ilang panginabuhi.

Sumala pa sa nasampit nga napulo siya ka tuig nahimong rebelde sa kabukiran ug daghang mga rason nganong nakadesisyon kini nga mobalik sa sabakan sa gobyerno.


Buot na niini nga makauban ang iyang pamilya nga malinawon ug aron usab mahimo nang hapsay ang ilang lugar ingon man ang paghatag niini ug suporta sa ilahang mayor sa mga maayo niining programa.

Pamahayag man usab ni Lieutenant Colonel Ronaldo Valdez ang Battalion Commander sa 73rd ib ug 10th ID sa Philippine Army nga tulo ka tawo ang mitahan sa ilang kaugalingon ngadto kanila bitbit ang ilang mga armas.

Sumala pa ni Valdez nga sa ilang pag usisa ilang nasayran nga mga most wanted person sa Malapatan ang tulo nga nag –atubang ug nagkalain-laing kaso nga dunay koneksyon sa rebeldeng grupong New People’s Army kon NPA.

Matud pa sa opisyal nga mao kini ang ginahimo sa pikas grupo nga ilahang kumbinsihon ang mga IP’s nga dunay mga kaso nga moapil nalang sa ilang grupo inay nga mapriso nga walay kasigurohan nga makagawas pa sa prisohan.(Reynald Timario)
(Photo is for illustration only)

Facebook Comments

From Advertisers