General Santos City–Gipaklaro ni Police Col. Aden Lagradante ang City Director sa General Santos City Police Office nga walay kalabutan ang kapulisan sa Gensan sa puti nga van nga gikaingong nagapanguha ug mga tawo nga dunay record sa pag pangawat, iligal nga droga ingon man pagpangarnap sa syudad.
Sumala pa ni Col. Lagradante nga gitahasan na niini ang intelligence branch sa GSCPO nga sutaon kung unsa nga grupo ang mga tawong nga nagapanguta ug mga indibidwal nga adunay mga kaso o record.
Sa karon dili pa mabutyag sa PNP kung usa ba kini sa grupo sa mga vigilante nga naga pangpatay ug tao nga duna nay mga kriminal record.
Giangkon ni Col. Lagradante nga aduna nay mga report nga nakaabot kaniya kalabutan niining pipila ka mga indibidwal nga gipangdagit sa mga nakaputi nga van kung asa pipila kanila ang patay nang nakaplagan sa managlahing lugar.
Nasayran nga adunay nakaplagan sa Malungon, Tupi ug Polomolok niadtong nakalabayng Simana ug bulan diin mga biktima ang una nang gikaingong gidagit as nakaputi ug Van dinhi sa Gensan.
Samtang ning bag-uhay lang laing biktima ang nakaplagan sa maasim sarangani province ug Polomolok diin mga biktima ang sama gihapon sa pamaagi sa pagpatay sa mga naunang patayng lawas nga nakaplagan nga napuno ug samad dinunggaban, nakagapos ang mga kamot ug nakatabon ug tape ang nawong.
