General Santos City— Nagdumili nga muhatag ug usa mang pamahayag si Police Senior Superintendent Romeo Ruel Berango, acting city director sa Gensan City Police Office kabahin na sa migawas nga isyu nga aduna siya’y laing karelasyon.
Sumala niya nga dili gyud niya isa-publiko ang iyahang personal nga kinabuhi gumikan gawas man kini sa iyahang trabaho isip labaw sa kapulisan sa dakbayan.
Sa interview sa RMN Gensan, nangayo siya ug pagsabot kung dili niya matubag ang maong isyu gumikan dako ang iyahang pagtuo nga wala kini epekto sa iyahang pagserbisyo isip opisyal ug dili kini maka-apekto sa pagpabilin sa ka hapsay ug malinawon ang dakbayan.
Pamahayag niya nga higayon nga imbitahon siya sa hawanan sa konseho, aron patubagon sa nagkatag nga sulat bahin sa maong akusasyon, magdumli matud pa siya nga kini tubagon gumikan dili apil s aiyahang trabaho nga ablihan sa publiko unsa man ang nagakahitabo sa iyahang personal nga kinabuhi.
