*General Santos City— Gipaklaro ni Police Chief Inspector Joel Fumukao, ang labaw sa Intelligence Section sa Gensan City Police Office nga nagmando na si Police Senior Superintendent Romeo Ruel Berango, ang OIC City Director nga imbestigahan ang nahitabong pagpanakop sa mga legal nga ahente sa stl sa dakbayan.*
*Sumala niya nga gipa-imbestigahan ni Col. Berango ang maong insidente gumikan dili kaniya gikan ang maong mando, kung nasa nagpahigayon ug operasyon ang Police Station 6, Police Station 3, Police Station 4 ug ang City Public Safety Company kon CPSC.*
*Samtang gihingusgan niini nga walay tensyon tali sa mga opisyal sa kapulisan sa GSCPO ug ang nahitabo mao lang ang wala pagkasibatanay bahin sa order nga mas pakusgan ang kampanya batok illegal nga sugal.*
*Gipaklaro man usab niya nga sa karon, nagpabilin sa RPHAU si Police Superintendent Edgar Yago, ang Chief Of Operations nga sumala pa maoy nagmando sa mga Chief Of Police nga magpahigayon ug operasyon batok STL.*
*Apan gibutyag niya nga wala pay order gikan sa regional headquarters nga marelib ang nasangpit nga opisyal human sa personal nga hangyo ni Col. Berango human ang maong insidente.*
*Gibutyag man usab ni PCI Fumukao nga dili apil sa mandato sa kapulisan ang pagpa-undang sa operasyon sa syudad gumikan trabaho man sa Licensing Division ang pagpasirado niini ug sila sa kapulisan ang igo lang nga muhatag ug assistance.*
