General Santos City–Gipatutukan na ni Police Col Gilberto Tuzon, City Director sa Gensan City Police Office ang tanang kaso sa pagpamusil sa Gensan. Sulod matud pa sa kapin duha ka bulan nga paglingkod niya isip labaw sa kapulisan sa Gensan, walay natala nga kaso sa pagpamusil, apan giklaro niya nga nagpabiling on top ang kapulisan sa maong mga sitwasyon ug gipaniguro nga maresolba ang maong mga kaso.
Paningkamutan matud pa nila nga adunay mapasakaan ug kaso sa mga responsable sa maong patay aron mahatagan ug hustisya ang mga biktima.Sa karon, dili pa niya makonsiderang maka-alarma ang kaso sa pagpamusil sa Gensan nga sagad hinimuan sa riding in tandem.
Sa karon, padayon matud pa ang ginahimo nilang back tracking sa mga biktima aron masayran kung unsa ang motibo tungod dili tanan ang taga-Gensan gumikan uban ang dayo lang sa dakbayan ug posibleng diri lang naabtan sa mga suspek. Dako man usab ang pagtuo ni Col. Tuzon nga walay nahimong epekto sa hinay-hinay nga pagbalik, sa krimen ang pagtanggal sa pipila ka mga restrictions sa dakbayan batok covid 19.(LVR)
