General Santos City–Gipaabot nalang karon ni pdea 12 Regional Director Valente Cariño ang resulta sa gipahigayong drug test sa ilang mga personahe sa nakalabayng adlaw.
Kahibaluan nga usa ka supresang drug test ang gipahigayon pinaagi na usab sa mando ni rd carino sa ila mismong buhatan sa pdea region 12.
Kini aron matud pa masigurong walay mga sakop sa Philippine Drug Enforcement Agency sa rehiyon 12 nga nagagamitan ug iligal nga droga.
Matud usab ni PDEA Director Carino nga posibleng karong adlawa mugawas na ang resulta sa maong drug test ug dinhi na masayran kung duna ba gyuy mga personahe nga naga-droga.
Hinuon syento porsyento matud pa nga kumpyansa si Director Carino nga wala sa iyang mga sakop ang galambigit sa illegal drugs.
Iya lamang gipasabot nga ang pagpahigayon ug drug test kabahin naman sa ilang tinuig nga gimbuhaton aron ipabiling hinlo ang ilang buhatan gikan sa iligal nga droga.(Jordan Britos)
