General Santos City— Giangkon ni Police Chief Superintendent Marcelo Morales, Regional Director sa police regional office 12 nga dali ra gyud nga makapasulod ug bomba kon ied sa rehiyon.
Kung asa sagad sa mga bombang ginatanom sulod sa rehiyon ang dili man tibuok nga gipasulod kundili wala naka-assemble ug tungod sa gagmay ang mga parte niini, mamahimo lang nga itago.
Ug dakong bentaha alang sa mga kriminal ang Plain View Doctrine nga ginapatuman sa kapulisan ug militar sa mga checkpoint.
Dugang pamahayag ni Regional Director Morales nga tungod niini, ilaha karong ginapatuman ang hugot nga intelligence monitoring ug ang paghinatagay ug impormasyon gikan sa managlahing law enforcement agency.
Pag-angkon niya nga lisod gyud sa kabahin sa kapulisan nga makakuha ug mga impormasyon pinaagi sa pagtan-aw lang sa mga sakyanan gumikan aduna silay balaud nga angayang tumanon.
Rason nga dili gyud sayon alang kanila nga maka-kumpiska ug mga kontrabando atol sa mga checkpoint nga ginahimo sa mga nag-unang kadalanan. (Lore Romualdo)
