*General Santos City— Walay datus ang kapulisan sa probinsya sa South Cotabato nga adunay naghikog tungod sa KAPA. Kini ang gipaklaro ni Police Col. Joel Limson, Provicial Director sa South Cotabato Provincial Police Office.*
*Sumala niya nga adunay ma impormasyon nga naka-abot kaniya bahin niini apan dili matud pa kini kumpirmado.*
*Saysay niya nga human migawas ang isyung pagpasirado sa KAPA, wala matud pa silay nasayran nga mga nahimong biktima sa KAPA nga naghikog.*
*Dugang pamahayag ni Pol. Col. Limson nga sa karon, nagpabilin sa normal ang crime rate sa probinsya kung asa sagad matud pa sa ilahang matala mao ang physical injury.*
*Sa karon matud pa wala silay natalang krimen mahitungod sa pagpasirado sa KAPA ug uban pang mga investment scheme kung asa posible matud pa nga wala pa nabati kaayo sa mga miyembro ang epekto.*
*Apan gipaklaro niya nga sa dihang gisulod sa mga miyembro ang maong investment scheme, nasayud na siolang daan nga sila mga willing victim.*
