South Cotabato—Gipaniguro karon ni Police Col Joel Limson ang Police Provincial Director sa South Cotabato Provincial Police Office nga makig-alayaun sila sa bag-ong gobernador sa probinsya sa South Cotabato nga si Governor elect-Reynaldo Tamatyo nga molingkod na karong Hulyo 1.
Sumala pa niini nga bisan kinsa paman ang molingkod isip gobernador sa sila sa PNP ang magpadayon sa ilahang trabaho ug ipakita ang ilahang suporta sa bag-ong amahan sa probinsya sama sa loyalty nga ilahang gipakita sa outgoing administration.
Naglaum man usab si Col. Limson nga mamahihong maayo ang relasyon sa PNP ug uban pang security implementing forces ngadto sa LGU aron usab sa mas mabantayan nila ang seguridad sa probinsya.
Gani wala man usab kini buot nga pangayuong suporta sa bag-ong adminsitrasyon sama nalang sa dugang resources sa kapulisan tungod kay nagtuo kini nga anaa na sa budget sa probinsya ang ilahang mga gihangyo ug magpaabot nalang sila nga ihatag kini ngadto kanila.(Dave Silagan)
