Nag-abot na sa pungsod ang labing una nga ship-borne missile system sang Pilipinas.
Ang Spike ER missile system nga ginhimo sang Israeli company nga Rafael Advanced Defense Systems Limited ang igatakod sa tatlo ka multi-purpose assault crafts ukon MPAC sang Philippine Navy.
Naglab-ot sa $11.6 million ang gingasto sang gobyerno para diri bilang kabahin sang modernization program sang Armed Forces of the Philippines.
Suno kay Department of National Defense spokesperson Director Arsenio Andolong, dako ang mabulig sang nabakal nga armas sa pagbantay sang teritoryo sang pungsod.
Nahibaluan nga P125 billion ang gintigana sang gobyerno agud ibakal sang bag-o nga barko, jets, helicopters, drones, radar systems kag iban pa nga armas para sa AFP .
(photo from web)
