General Santos City—Patay ang usa ka laborer human kining gidunggab sa iyang silingan sa may Sitio Luok, barangay Kamanga, Maasim, Sarangani Province, alas 9:30 ang takna sa gabie sa nakalabayng adlaw.
Giila ang biktima nga si Jhony Esmael, 44 anyos, residenti sa maong lugar.
Sa inisyal nga imbistigasyon sa Maasim PNP nasuta nga hubog nga nahidangat ang biktima sa tindahan nga gipanag-iyahan sa usa ka Sally Suwagan.
Iyang gisamok-samok matud pa ang iyang silingan nga ginganlan lang ug “Odi”, napikon matud pa ang suspek kansa kalit mibunlot ug kutsilyo dayon gidunggab ang biktima sa nagkandaiyang parti sa iyang lawas.
Misibat gilayon ang suspek sa wala sayring lugar samtang ang biktima gidala sa ilang mga silingan sa maasim Municipal Hospital apan gideklarang dead on arrival.
Sa karon ang kapulisan sa Maasim ang naghimo nag makuting imbistigasyon kalabutan sa insidenti, samtang padayon pang gipangita ang suspek sa krimen.
