General Santos City—Wala gyud makalingkawas sa kamatayon ang usa ka Francis Falsario, legal age, residenti sa Daroy Compound, Purok Upper Malakas, Barangay San Isidro, Gensan, human kining gipusil sa wala pa mailhing mga suspek alas 4:40 ang takna sa hapon, kagahapong adlawa.
Subay sa inisyal nga imbistigasyon sa Police Station 4, gikan sa merkado publiko ang biktima nipalit ug sud-an, pagbalik niini sa ilang panimalay, siya gisundan sa mga suspek nga nakamortorsiklo ug gipusil.
Nakadagan pa ang biktima sulod sa usa ka internet café duol sa ilang balay apan siya gisundan sa gunman dayon gitiwasan atubangan sa iyang 12 anyos nga anak kansa anaa sa suldo sa maong internet café niadtong higayuna
.
Gidala pa sa ospital ang biktima apan gideklara kining dead on arrival human nahunusan ug kinabuhi gumikan sa daghang samad nga naangkon niini.
Mga suspek paspas nga misibat human sa krimen. Personal grudge ang usa sa mga anggulong gitutukan karon sa kapulisan kalabutan sa pagpamusil apan wala sab nila gibaliwala ang uban pang anggulo nga posibleng hinungdan sa pagpatay sa biktima.
