Davao City – Patay gilayon ang usa ka laborer human gipusil ug gitigbas alas 7 sa buntag nahitabo sa Purok Waling-Waling, Brgy. Banlag, Monkayo Compostela Valley Province.
Biktima giila sa pangalang si Rochel Maglinte, 36 anyos, residente sa Crossing Sarmiento, Brgy. Banlag, lungsod sa Monkayo.
Samtang ang suspek nailhan nga si Dante Peres, 35 anyos, residente sa nahisgutang lugar.
Sumala sa report nga nahipos gikan sa Monkayo Municipal Police Station, nasayran nga samtang nagbaktas ang biktima, kalit kini gipusil sa suspek sa lima ka higayon tumong sa ulo, dughan ug ubang parte sa lawas.
Dugang niini, wala natagbaw ang suspek ug gitigbas ang biktima tumong sa liog hinungdan gidala kini sa balay tambalanan apan gideklara kini sa attending physician nga dead on arrival.
Daling misibat ang suspek padulong sa wala matino nga direksyon.
Sa karon, gihaya na ang patayng lawas sa biktima sa Lord Anthony, Funeral Parlor sa lungsod sa Montevista samtang naghimo na og imbestigasyon ang kapulisan kabahin sa maong insidente.
RadyoMaN Juls Catisay
