Laborer gipusposan og botilya sa ulo

16

Davao City – Nakaangkon og samad sa ulo nga bahin ang usa ka laborer human gibunalan og botilya sa wa mailhing suspitsado nahitabo ala 1:30 sa kaadlawon didto sa may Brgy. Leon Garcia siyudad sa Davao.

Base sa report gikan gikan sa Sta. Ana Pnp naila ang biktima nga usa ka Rodel Buan, 28 anyos, nitibo nga taga Jose Abad Santos ug kasamantangan nagpuyo sa nahisgutang barangay samtang wa pa mailhi ang suspect nga mibunal sa biktima.

Matud sa report igo lang naghulat ang biktima daplin sa kalsada sa nahisgutang barangay ug kalit giduol sa suspek dayon gipusposan tumong sa ulo gamit ang botilya hinungdan sa pagka angol niini.

Daling gitabang sa duha ka sakop sa barangay tanod nga sila Wendil Optina ug Alfredo Celebrado ang biktima ug gipatambalan sa Southern Philippine Medical Center.

Sa imbestigasyon sa kapolisan Sta Ana posibleng natripan lamang ang biktima sa mga tambay human gibunalan diin sa karon wala pay gikatudlo nga suspek nga mibunal sa biktima.

RadyoMaN Don Pulayao

Facebook Comments