Nasikop sa mga operatiba sa City Drug Enforcement Unit kon CDEU ang usa ka laborer tungod sa pag sideline ni-ini sa pagpamaligya og illegal drugs kagahapon sa buntag. Kini atol sa gilusad nga anti-illegal drug buy bust operation diha sa Tangcungan Pinikitan, Brgy. Camaman-an ning syudad!
Naila ang suspek nga 40 anyos nga si Baser Kalamenty, minyo nga residenti ra gihapon sa susamang dapit.
Gikabutyag sa otoridad nga naa sa ilang watch list ang maong dinakpan nga tigpayuhot sa gidiling druga. Dugang pa nga ilang napalitan si Baser sa usa ka sachet nga dunay sulod sa gituhoang shabu balor 500 pesos nga maoy hinungdan sa pagka-aresto ni-ini.
Samtang atol sa pagrekisa sa mga pulis nakuha pa gikan sa posisyon ni-ini ang laing pakite sa shabu. 500 pesos nga buy bust money, walo ka mga nagkalain-laing kantidad sa salapi lakip na ang 5 pesos nga coin, upat ka indentification cards kon ID’s ug usa ka cellphone.
Gibana-banang motimbang sa 0.2gram ang nakumpiskang shabu nga dunay street value nga dos mil pesos.
Nasayran nga recipient sa SAP kon Social Amelioration Program sa goberno ang suspek kung diin temporaryong naka detained karon sa Maharlika Detention Cell.
Samtang gihikay na usab ang tukmang kaso nga ipasang-at sa korte batok kaniya.
Kasama mo sa CDEU, RadyoMaN Andy Coco, DXCC Tatak RMN!
