General Santos City–Kasong murder ang paga atubangon sa usa ka laborer nga nailang si Badrudin Talintam, 27 anyos, usa ka laborer sa construction ug nanimuyo sa Pikit North Cotabato kansa gitudlong suspek sa pagpatay sa iyahang kauban sa trabaho nga si Reymart Pregoner, 26 anyos, time keeper sa construction ug nanimuyo sa Prk. Mauswagon Barangay Labangal ning syudad sa mismong bunk house sa mga nasangpit sa Fernandez street, Barangay Lagao, Gensan.
Sumala pa ni Police Lt. Felix Minion III ang Deputy Chief Of Police sa Police Station 3 nga basi sa nakitang samad sa biktima gibunalan matud pa kini ug gahi nga butang ug gituok pa ang liog niini nga maoy hinungdan sa iyahang kamatayon.
Dugang pa niini nga alas 10:20 takna sa buntag nakita nalang ang patay nga lawas sa biktima sa usa ka embornal nga napuno ug samad sa iyahang ulo samtang ang kwarta matud pa niini nga 9mil ka pesos ang wala na sa iyang bag.
Tungod niini gituohang gikuha sa suspetsado ang kwarta as biktima dayon sibat.
Sa pag imbistiga sa kapulisan posibleng personal nga bangi ug pagpangawat ang motibo sa suspect nganong gipatay niini ang biktima.
Basi usab sa pahayag ni Police Lt. Minion nga posibling adunay bingkil ang duruha ayha paman nahitabo ang krimen ug sa dihang nakatulog ang biktima sa iyahang duyan didto na gibunalan sa suspect ang nahisgutan ug gahi nga butang dayung guyud ngadto sa imbornal aron nga itago ang lawas sa biktima.
Samtang ayha paman nadiskobrehan ang patay nga lawas sa nahisgutan nakahawa na ang suspect sa ilahang gitrabahuan ug nananghid nga mag leave ug mouli ngadto sa ilahang lugar sa Pikit North Cotabato.(Dave Silagan)
