Himas-rehas karon ang usa ka laborer human nga nadakpan sa kasong Rape kon pagpanlugos atol sa operasyong gilusad sa mga kapulisan pasado alas 8:02 kagabie diri sa siyudad sa Malaybalay.
Giila ang suspek nga si Jobert Sanchez Dagsaan, 31 anyos, ulitawo, laborer, ug residente sa siyudad.
Gipasakaan sa warrant of arrest ang suspek batok sa kasong rape kon pagpanlugos nakadokit ilawom sa criminal case no. 39586-22, gi-issue ni Eldred D. Cole, Presiding Judge, Regional Trial Court, 10th Judicial Region, Branch 45, Malaybalay City, Bukidnon pinitsahan Setyembre 26, 2022 nga walay girekomendang piyansa alang sa temporaryong kagawasan.
Gibalhog na sa Malaybalay City Police Station ang laborer nga suspek alang sa tokmang disposasyon.
Facebook Comments
