Laborer, patay matapos mahit and run sa banwa sang Sto. Niño, South Cotabato.

Patay ang isa ka persona matapos nga mabiktima sang hit and run sa national highway partikular na sa atubangan sang Kapunan Residence,Prk. Solid South,Brgy. San Vicente, Sto. Niño, South Cotabato, pasado alas 12:30 sang kaagahon sang Mayo 21 subong nga tuig.
Nakaangkon sang seryoso nga pilas sa mga nagkalain-lain nga parte sang iya lawas ang biktima nga nangin rason sang iya hinali nga kamatayon.
Base sa imbestigasyon sang Sto. Niño PNP sakay sa Kawasaki Rouser nakaduag sang itom kag pula, may plate number nga MA 18931 ang biktima sang nagluntad ang insidente.
May-angot sini, ginkilala ni Police Captain Sherwin Panaguiton, Chief of Police sang Sto. Niño PNP ang biktima kay Ronald Fincale Lomanta, 35-anyos, residente sang Purok Rizal dos, Brgy. Panay sa nasambit nga banwa.
Samtang ginkumpirmar ni Panaguiton nga wala naidentify ang salakyan nga nakahit and run sa biktima nga nagpalagyo matapos ang insidente.
Advice naman sini sa mga pumuluyo nga maghalong kag kon sa diin man magkadto magdala gid sang mga importante nga dokumento kapareho sang ID card nga maidentify kon may matabo kapareho na lamang sa biktima nga wala gilayon naidentify.