Cujido el un ladron desfues este hace entrada con el un laundry shop enantes madrogada.
Banda alas-cuatro del madrogada cuando el mga trabahador del un carwash shop na vicinidad del Pilar Street ya ouie que chene un persona ta caba alsa las cosas adentro del Krystal Laundry Shop locao na canto lang del carwash donde ta esta el mga trabajador.
Cuando ya anda segun dila verifica na tienda,ya fuede sila columbra con el un persona de cuchillo adentro de establisemiento y ta kaba alsa las cosas laman adentro.Rason para have lamada el diila mga uban quien ya responde y ya man talabangan con el ladron.
Cuando ya fuede sila man-corner coneste y ya man lamuk de golpe,ya anda dila conestr tringca y ya hace lamada con el policia para aresta coneste y lleva detene na calaboso.
Ya chene pa que llama paramedics el policia para atende anay y hacr curada medical con el mga irida del tal ladron porcausa cay bien bakechao este.-Bhong Simbajon/RMN News
