BACOLOD CITY – Wala na nagabaton sang mga bag-o nga pasyente Bacolod Our Lady of Mercy Specialty Hospital, BOLMSH sumugod sadtong July 31, 2018.
Ini matapos nga wala pa gihapon sang resulta ila ayu sa Philippine Health Insurance – Philhealth angot sa ila accreditation lakip man pagbayad sa sulukton nila sa ahensya.
Bangud sini, kapin sa 401 ka mga empleyado sang Our Lady of Mercy ang nadulaan sang trabaho.
Pahayag sang mga miembro sang employees union sang ospital nga nagakasubo sila subong man naga reklamo bangud sang gilayon nga pagpasira apesar nga wala pa nakapagwa sang desisyon ang Philhealth sa ginfile nga Motion for Reconsideration.
Sadtong June, 2018 nagbulig si Bacolod City Mayor Evelio Leonardia sa Negros Health Care Management System Incorporated ukon NHCMSI nga amo karon ang naga-operar sang ospital para makafile ini sang MR rason nga napaiway ang kuntani pagpasira sini sadtong Hunyo.
Angut sini, nagdugang pa sa kasakit sang mga empleyado sang Our Lady of Mercy sa pagkadula sang ila trabaho ang kamatuuran nga katunga gid lamang sang ila termination pay ang igahatag sa ila.
Baliskad sa ginpasalig kuntani nga siento porsiento nga bayad sa lima ka tuig nila nga serbisyo./dyHB BACOLOD
