Patay ang drayber nga babayi sang motor matapos nga gin saga-id sang salakyan nga nag-overtake sa iya ang gina maneho nga motor rasun nga nagbunggo naman ini sa bus mga pasado las dos sang hapon, Biernes, Agosto 21 sa National highway sang Crossing Buhian, Barangay Tooy syudad sang Himamaylan.
Ginkilala ang biktima kay Lionesa Liamy Castor, 29 anyos sang Barangay Bantayan syudad sang Kabankalan.
Sa imbestigasyon sang Himamaylan PNP, nagadalagan sa pareho nga direksyon ang motor, salakyan kag ceres bus sang hinali nga nag-overtake ang salakyan kag gin saga-id ang motor, bangud yara ini sa tunga sang duha ka salakyan, nagtabog ini kag nabungguan sang ceres bus, sa tuman nga impact sang pagkabunggo, ini ang ginbawian sang kabuhi.
Ang drayber sang ceres bus nga ginkilala kay Ernesto Eliaga, legal ang edad sang Barangay Banago syudad sang Bacolod ang yara na sa kustodiya sang Himamaylan PNP.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
