Siocon, Zamboanga del Norte – Nakabsan sa iyang kinabuhi ang usa ka lineman sa electric cooperative human nakuryentehan na sab samtang nag-ayo sa linya sa kuryente diha sa poste niadtong lunes sa alas 10:30 sa buntag didto sa may quezon avenue, barangay poblacion, lungsod sa Siocon, sakop ning lalawigan Zamboanga del Norte.
Giila ang biktima nga si Ivan Rey Melendez, 29 anyos, minyo, usa ka lineman sa Zamboanga del Sur Electric Cooperative Inc. kon (Zamsureco II), lumad nga taga lungsod sa Kabasalan, probinsiya sa Zamboanga Sibugay.
Sa nahipos nga kasayuran gikan sa Siocon Municipal Police Station nasuta, ang Zamsureco II personnel gapahigayon ug electrical repair sa poste atbang sa rural bank sa dapit diin ang biktima ang gitahasan nga mosaka sa poste.
Kamulong repair niini, aksedente nakurentihan ibabaw sa poste ug mikirig.
Gilayon tabang sa iyang mga kauban ug gidala sa Siocon District Hospital aron unta katambalan apan pipila ka minutos ang nilabay walay swerte ang biktima, gideklarar nga namatay sa niatiman nga doktor.
Ang patayng lawas ang gidala na sa puloy-anan niini samtang ang panghitabo padayon pa nga giimbestigahan.
Kini na ang ikaduha nga lineman nakuryentehan ug namatay sulod ning bulana sa agosto dinhi sa lalawigan diin ang una nahitabo sa lungsod sa sindangan.
