Gimonitor karon sa National Bureau of Investigation kon NBI Bukidnon ang uban pang investment scheme nga nagtanyag ug dako nga interest ug too good to be true.
Sa interview sa RMN Malaybalay ngadto kang NBI Bukidnon Provincial Agent Gerardo Tamayo, gibutyag niini nga daghan pa sila ug gimonitor karon nga grupo nga susama sa uban pang investment scam.
Gisiguro ni Tamayo padayon nila kining gimonitor ug ikasa ang pagronda.
Pagbana-bana ni Tamayo nga mukabat ngadto sa 5 pa ka laing investment ang ilang gisubay-bayan sa karon dinhi sa probinsya sa Bukidnon.
Samtang sa karon, wala pa usab daw sila nakapasaka ug kaso batok sa Kapa human nga ilang gi-raid kaniadtong Hunyo 10 sa Valencia City ug gihulat pa nila ang go signal sa ilang kadagkuan sa NBI aron pormal na nga mapasaka ang kaso ngadto sa korte.
