General Santos City—Gibutyag ni Police Sr. Inspector Robert Fores, Deputy Chief of Police sa Police Station 2 nga usa sa ilang ginatan-aw mao ang trabaho sa nasangpit nga biktima isip Secretary sa usa ka law firm dinhi sa dakbayan.
Kahinumduman nga una nang gibutyag ni Fores nga posibling ang pulis nga si Po1 John mark Enoy, bana sa biktima maoy target sa pagpamusil sa riding in tandem apan ang asawa ra niini maoy naigo sa pusil sa mga suspek.
Wala hinuon gibaliwala sa kapulisan ang uban pang mga anggulo nga posibling hinungdan sa pagpamusil.
Sa karon ila pang gipalawman ang ilang imbistigasyon kalabutan sa insidenti.Nagsaad usab si Police Sr. Inspector Robert Fores nga sa dili madugay ila nang matumbok ang motibo ug ang ilhanan sa mga suspek nga responsabli sa krimen.
