General Santos City— giangkon ni Gensan City Councilor Atty. Franklin Gacal Jr. chairman sa Games And Amusement nga nakadawat na siya ug bag-ong aplikasyon alang sa pag-operate sa Small Town Lottery kon STL sa dakbayan.
Sumala posibleng sunod semana mabutang na sa 1st reading ang maong applikasyon ug nakatakda ng maghimo ug public hearing. Apan kung kini maaprubahan sa uban mga konsehal, depende na matud pa sa dagan sa deliberasyon.
Dugang pamahayag ni Kag. Gacal nga pabiling ang Trento Gaming And Leisure Corporation maoy nag-apply aron sa pagpangayo ug concurrence sa hawanan sa konseho.
Pagpaklaro niini nga ang Trento Gaming lang maoy authorized nga ahensya sa PCSO nga maoy mugunit sa Small Town Lottery sa dakbayan. Samtang basi matud pa sa iyahang kasayuran, dili na si Grace Mercado ang manager sa trento human nga iyaha kining gipasakaan ug kaso sa piskalya. (photo from web)
