Gi-imbistigahan sa National Bureau of Investigation kon NBI, ang lain pang kaso sa Money Investment Scam ning syudad sa Cagayan de Oro.
Kini basi reklamo sa laing pang mga biktima nga unang mi-reklamo sa Carmen Police station.
Lakip sa mireklamo sa Carmen Police silang Marian Pacturan, nga nag-invest sa 673-mil pesos, Kirsten Jayne Pagtalunan nga nag-invest sa 212-mil pesos, Jessie Lou Go, nga nag-invest sa 1.2 million pesos, Terresista Dagasdas nga nag-invest sa 830-mil pesos, Windelyn Austria nga nag-invest sa 466-mil pesos, Dianne Rose Daculos nga nag-invest sa 1.30 million pesos, Jay-ann Lomongo nga nag-invest sa 1.5 million pesos, Abbie Princess de Guzman, nag-invest sa 239-mil pesos.
Matud sa maong mga investors, unang mireklamo sa Carmen Police station batok sa usa ka suspect nga naila sa ngalang si Jelie Rose Oredimo, 22 anyos nga taga Kauswagan ning syudad.
Gibutyag sa mga biktima nga niining bulan sa Marso nag-invest sila sa Business sa maong suspect.
Apan matud sa mga biktima nga human sa ilang pag-invest wala na magpakita ang maong suspect.
Kini ang rason nga ang maong mga biktima midangop sa Carmen Police station kay ilang gusto nga pasakaan sa kasong estaffa ang maong suspetsado.
Apan kini nga kaso gitugyan lang una sa Carmen Police sa NBI alang sa dugang imbestigasyon.
