General Santos City–Padayon pa ang ginahimo nga imbistigasyon karon sa Police Station 3 kabahin sa lain na usab nga pagpamusil sa ilang area of responsibility nga gikamatay sa usa biktima ug pagkaangol sa usa pa ka biktima alas 9:45 ang takna sa buntag gawas sa hall of justice sa Barangay Lagao.
Gi-ila ni Police Chief Inspector Peter Pinalgan ang mga biktima nga silang Faith Dela Torre, 38, negosyante ug residenti sa Furtune Village, Barangay City Heights ning syudad.
Nasayran nga dead on arrival sa hospital ang biktimang si Dela Torre, samtang nakabsan usab ug kinabuhi ang bitkimang si Jimmy Caylan Yoca, 31, sikad driver nga residenti sa Guijo St. Barangay Lagao kansa nadamay lang sa maong pagpamusil.
Sumala pa ni PCI Pinalgan nga sa kasamtangan ila nang ginasuta ang mga kuha sa cctv sa maong lugar kung asa nahitabo ang maong pagpamusil ug gisuta ang background sa biktima sa maong pag pamusil.
Gikaingong gikan sulod sa hall of justice ang biktima nga si Dela Torre human niini ug tambong sa hearing sa iyahang kaso ug sa dihang migawas didto na kini giduolan sa nag-inusarang suspect nga sakay sa motorsiklo dayon gipusil pila ka higayon nga hinungdan sa iyang kamatayon.
Samtang naigo usab ang biktimang si Jimmy Kansa anaa sa lugar dihang nahitabo ang insidenti.
