Laing pygmy sperm whale napalgang patay

20

Davao City – Gituohang pagkadaot sa echolocation tungod sa dynamite fishing o sa mga nahitabong linog ang posibleng hinungdan sa pagka-stranded ug pagkamatay sa anaa sa 300 kls ug 9.5ft young adult pygmy sperm whale sa baybayon sa Tagum City karong buntag.

Subay kini sa gihimong necropsy ni Davao based American marine biologist Darrell Blatchley.


Walay nakitang plastics sulod sa tiyan sa maong balyena apan mga parasites ug kinaon niini nga nukos ug pasayan.

Sumala ni Blatchley nga ang pygmy sperm whale gikonsiderang rare o talagsaong klase sa balyena sa entero kalibutan ug karong tuiga kini maoy ika-4 na nga pygmy sperm whale tanan pulos patay na nga narekober sa mga baybayon nga sakop sa Davao gulf.

Subling nagpahimangno si Blatchley sa publiko nga gawas sa gidili sa balaod ang pagkatay og mga balyena dili usab kini pweding kaunon tungod sa kataas sa mercury content.

Gikatakdang mahibaw-an sunod semana ang resulta sa necropsy gikan sa gisumiteng samples sa Bureau of Fisheries and Aquatic Resources XI aron masayran ang gikamatay sa maong balyena.

RadyoMaN Aimee Guinita

Facebook Comments

From Advertisers