Lakip sa mga nagbangutan ang upat ka mga menor de edad nga anak sa magtiayon, kinsa nagpangidaron og 11-anyos, 8-anyos, 6-anyos, ug usa ka tuig.
Ning kasamtangan, gihaya ang patayng lawas sa duha sa ilang balay alampoanan sa Sitio Kiopao, Barangay Magsaysay, Marilog District, Davao City, ug ginapaabot pa sab ang pamilya sa babayeng biktima nga si Ireen Calibay Ongando nga gikan sa Malita, Davao Occidental.
Sumala pa sa amahan ni Manuel Ombol Ongando Jr., nga si Manuel Ongando Sr., ilang amumahon ang mga bata kauban ang lain pang kabanay aron makahuman sa pag-eskwela ingon man makabaton og maayong kaugmaon.
Sa inisyal nga meeting sa pamilya, gikatakda nga ilubong ang duha sa Martes, Abril 21, 2026.
Hinuon, sa karon, mibisita na sab ang City Social Welfare and Development Office alang sa pasiunang tabang ingon man debriefing sa kabanay nga nahibilin.
RadyoMaN Kareen Beltran
