Makuti karon nga gi-imbestigahan sa National Bureau of Investigation kon NBI ang lain pang suspect sa Money Investment Scam ning syudad sa Cagayan de Oro.
Maoy target sa ilang imbestigasyon ang usa ka suspect nga nagpaila sa ngalang si Jean Marie Monsanto, 25 anyos nga taga Zone 10, Upper Carmen ning syudad.
Ang Investigation sa NBI basi sa reklamo nilang Sherielyn Bunao, 24 anyos nga taga Dabatian St., Carmen ug Julie Rosello, 25 anyos nga taga Burgos Street ning syudad sa Cagayan de Oro.
Matud ni Rosello nga nag-invest siyag kuwarta ni Monsanto sa kantidad nga 20-mil pesos niadtong Pebrero 22, 25 ug 27 samtang 16-mil pesos usab ang na-invest ni Bunao niadtong Pebrero 25 ug Marso 5, 2019.
Matud ni Bunao ug Rosello nga ila pang gipadala sa Money changer ang ilang salapi apan wala na kini ma-uli ngadto kanila ang ilang Investment Capital.
Kini ang rason nga ang duha ka mga biktima unang mi-report sa Divisoria Police Station.
Apan ang ilang reklamo, gitugyan sa Divisoria police sa NBI alang sa dugang imbestigasyon.
