Nanghinaot si Misamis Oriental Governor Yevgeny Emano nga limpyo ang intensyon sa Sangguniang Panlalawigan sa pagpatubag sa local finance committee nganung nadugay ang pag-release sa bonus sa mga empleyado sa kapitolyo.
Matud sa gobernador, nasabtan niini ang obligasyon ni Vice Governor Jigjag Pelaez ilabina nga dili niya kini kaalyado.
Mahinumduman nga mihimo’g lakang ang Sangguniang Panlalawigan aron ipatubag ang local finance committee nganung hangtud karon wala pa mahatag ang mid-year bonus sa mga empleyado.
Dugang pahayag sa opisyal nga dunay pipila nga mireklamo human mabaligya na ang ilang mid-year bonus unya karon na-pressure na sila kon unsaon pagbayad.
Gibutyag sa opisyal nga gusto niining usbon ang kultura sa mga empleyado nga gahulat lang og sweldo bisan walay tarung nga trabaho.
