By. Joanna Ricote
Wala pa maila ang usa ka lalake nga napalgan nga patay kaganinang buntag sa Purok 7 Mambatangan Upper Puerto ning syudad sa Cagayan de Oro.
Matud ni Police Sr. Insp. Jack Llaneta, ang deputy station commander sa Puerto Police Station, nga walay gunshot wound ug stab wound ang biktima, apan aduna kini nakita nga mga sinyales nga gigapos ang kamot sa biktima ingon usab nga aduna kini makita nga marka sa liog nga bahin niini, hinungdan nga nagtuo kining ang pagtuok sa biktima ang hinungdan sa iyang kamatayon.
Apan adunay usa ka scarp collector ang nabutyag nga ang biktima naila sa ngalan nga Jeric, nga taga Casinglot Tagoloan Misamis Oriental, apan dili pa makompirma sa kapulisan kung susamang tao ang gitumbok sa maong scarp collector.
