Nasikop sa mga kapulisan sa dakbayan sa Valencia ang us aka lalakeng suspek sa pagpayuhot sa iligal nga drogang shabu atul sa gipahigayong operasyon niadtong milabayng gabie takna alas 8:50 didtu sa Purok-1, Sugod, Valencia City, Bukidnon.
Giila ang dinakpang suspek nga si Delton John Molejon y Dubria alias “DONGKOY”, 33 anyos, minyo, walay trabaho ug residente sa naasoy nga dapit.
Nakumpiska gikan sa posisyon sa suspek ang 3 ka pinutos nga drogang shabu, mga drug paraphernalia, ug ang usa ka 5 hundred pesos bill.
Gibanabana nga muabot sa 0.57 ka gramo ang kinatibuk-ang nakuhnang droga nga adunay estimated street value nga mukantidad sa kapin 3 mil ka pesos.
Ang maong dinakpang suspek u gang mga nakuhang ebedensiya ang gidala na kini sa Valencia City Police station alang sa tukma nga disposasyon samtang, nakatakdang e turn-over usab ang mga nakuhang droga sa PNP Provincial Forensic Unit ning dakabayn sa Malaybalay aron sa pagpailawom niini sa laboratory examination.
Facebook Comments
