Gibati’g kahadlok ang 39 anyos nga si Andress Eligan Jr., minyo nga taga Zone 5, Acasia Street, Carmen human niini masayri nga dunay wala mailang babaye ug mga kauban niini nga nakasakay sa color itom nga fortuner ang upat ka higayong nangita kaniya.
Matud ni Eligan, basi sa mga silingan nga nakakita sa maong babaye, mibungat pa kini sa mga pulong “Asa man si Andres Eligan Jr, balikan namo siya, dili siya magpataka og storya”.
Human sa maong hitabo, dayung misumbong si Eligan sa Police Station 4, Carmen ilabina nga nagpapili kini pagka-Congressman sa unang distrito sa Bukidnon.
Insidente nahitabo ala 1 sa buntag niadtong Marso 4 sa nasangpit nga dapit.
Facebook Comments
