Lalakeng nang- share sa password sa wifi, nangguba og extension sa sala sa balay human gibadlong sa tag-iya

Naguba ang extension sa sala sa balay ni Girlie Yaba, 40 anyos nga taga Osmena St, Barangay 24 ug suspek niini mao ang usa ka Leoniel Medina, hingkod ang edad kinsa residente sa samang dapit.

Giguba matud pa ni Medina ang extension sa sala nga bahin sa balay ni Yaba human kini masuko dihang gibadlong nga dili na i-share sa ubang silingan ang password sa wifi nilang Yaba.

Insidente nahitabo ala una sa buntag gahapong adlawa.

Samtang, ang maong kaso gi-refer na sa barangay lupon alang sa tukmang imbestigasyon.