Giandam na karon ang kasong ipasaka batok sa usa ka 30 anyos nga ulitawong si Edemar Abe nga taga Palalan, Lumbia ug lumad nga taga Gingoog City.
Kini human madakpan si Abe sa elemento sa Police Station 1, Divisoria pinanguluhan ni PSI Rogie Cabalquinto atol sa ilang pagpahigayon sa Anti-illegal gambling operation on illegal number games ubos sa R.A 9287.
Sapon sa akto si Abe samtang nag-tally ug nangolekta sa taya sa mga gasugal sa illegal nga swertres sa Rizal Cruz Taal street, Barangay 8 ning siyudad alas 7:30 kagabie.
Nakuha sa posisyon ni Abe ang ballpen, stab sa ticket ug taya nga mokabat sa 130 pesos.
Facebook Comments
