Nabalhog sa bilanggoan sa Station 9, Macasandig ang usa ka 21 anyos nga lalake human matud pa nanglugos sa 9 anyos nga batang babaye nga taga barangay Lapasan ning dakbayan.
Suspek nailang si Ronel Cabanez, minyo, dunay usa pa ka bulan nga anak ug residente sa Calaanan, Canitoan ning siyudad.
Saysay sa suspek nga wala niya unsaa ang maong bata ug gani pa man, iya lang kining gipalitan og pan aron dunay makaon uban sa 5 anyos nga manghod niini.
Nasayran nga una nang napriso si Cabanez tungod sa kasong pagpangawat.
Samtang, hugot usab nga gihimakak sa suspek ang nasangpit nga alegasyon ug pagmatood niini, nangayo siya’g pasaylo sa ginikanan sa nasangpit nga bata.
Sa karon, padayon pa ang gihimong imbistigasyon sa kapolisan kalabot sa maong panghitabo.
by: Lovelyrose Sambaan
pc: Anne Jane Duhaylungsod
