Davao City – Nasunog ang tibuok lawas sa usa ka lalake human lamoya sa kalayo 8:00 sa gabii.
Daling gidala sa Southern Philippines Medical Center Burn Center ang biktima nga si Dolphy Delos Reyes, 31 anyos ug nagpuyo sa Bislig City Surigao Del Sur gumikan sa pagkasunog sa iyang tibuok lawas.
Suma sa naghatud, nagdala matud pa og container nga puno sa gasolina ang biktima ug samtang nagpahuway kini makadiyot nanigarilyo si Delos Reyes.
Gidakop matud pa sa container nga dunay gasolina ang baga sa sigarilyo hinungdan mibusikad kini.
Pagbusikad, ang kalayo mikaon sa tibuok lawas sa biktima mao nga dali gisapupo sa mga kauban si Delos Reyes paingon sa balay tambalanan.
Hangtud ani nga pagbalita, wala pay gipagula ang ospital og pinakaulahi nga medical rekord sa biktima.
RadyoMaN Joel Viray
