Patay ang usa ka kanhi preso human misukol sa kapulisan atol sa drug buy bust operation mga alas 6:15 kagabie sa Sitio Wahigan, Barangay Pagalungan ning syudad.
Ang suspek mao ang 38 anyos nga si Jonas Cabananez, minyo ug nagpuyo sa nasangpit nga dapit.
Matud sa kapulisan sa Lumbia Police Station nga nibunot ug nagpabuto sa iyang armas si Cabananez sa dihang namatikdan nga police ang ka-transaksyon maong gipusil kini sa mga operatiba.
Gidala pa sa JR Borja General Hospital ang suspek apan gideklarang dead on arrival.
Nakuha gikan sa crime scene ang usa ka sachet sa shabu, 500 pesos nga buy bust money ug kalibre . 45 armas.
Gihimo ang operasyon pinaagi sa kapulisan sa Lumbia, Regional Drug Enforcement Unit, Drug Enforcement Unit ug Intelligence Unit sa Cagayan de Oro City Police Office.
