Hikog ang hinungdan sa kamatayun sa usa ka biktima anga nagbitay ug giputos ug packing tape ang iyang panagway. Ang biktima naila sa pangalang Arvey Anañora, 38 anyus, minyu ug residenti sa Golden Sun Subdivision, brgy.Villakanangga ning syudad sa Butuan, kinsa napalgang nagbitay ug giputos ang nawong sa packing tape. Gisaysay ni Mary Jane Tañedo, ang ayaan sa biktima nga una niyang gibisita ang panimalay ni Arvey niadtong Nobyembre 1 apan sirado kini ug walay motubag sa iyang pagtawag. Nilakaw nalang siya ug nibalik kagahapong adlaw, Nobyembre 2 apan wala gihapoy motubag sa iyang pagtawag ug didto na siya nagduda human adunay ngil-ad nga baho iyang nasimhotan sulod sa panimalay. Daling nagpatabang sa mga otoridad si Mary Jane ug sa pagrespondi sa kapulisan, napalgan nga wala nay kinabuhi nga nagbitay ang biktima ug giputos sa packing tape ang panagway niini nga gitoohang adunay foul play sa kamatayun sa biktima. Apan sa inisyal nga imbistigasyon sa Police Station 1, gibutyag ni PSI Paul Paden nga hikog ang gikamatyan sa biktima ug gitoohan nga siya ra mismo ang nagputos ug packing tape sa iyang panagway ug gihikot ang liog sa pisi ug nagbitay. Nasuta usab nga posibleng nalisoan sa pangisip ang biktima base sa dili masabot nga suicide notes nga nakita sa crime scene. Nakasinati ug tumang kaguol ang biktima tungod sa pagbiya sa iyang asawa dala ang ilang anak ug nagpuyu nalang kini’ng nag-inusara. Sent from my Samsung Galaxy smartphone.
