Giila ang biktima nga si Rhod Vincent Alegata, 19 anyos, ulitawo, ug residente sa naasoy nga lugar.
Sumala sa report sa kapulisan, gikompronta sumala pa sa biktima ang anak sa midunggab sa iya nga giilang si Dandy Emba Jr. gumikan sa babae.
Nagkalalis sumala pa ang duruha rason sa nahitabong komosyon. Didto na, mirespondi ang amahan sa maong lalaki hinungdan sa pagkadunggaban sa biktima.
Nakahiagom og samad-dinunggaban sa iyang likod ug tuong tiil ang biktima nga daling gidala sa balay-tambalanan ug karon anaa na sa maayong kahimtang.
Samtang human sa insidente, misibat sa wala matino nga direksyon ang suspetsado nga nailang si Dandy Emba Sr.
Gilusad karon ang hot pursuit operation batok sa suspek samtang padayong ginaimbestigahan ang insidente.
