Dead-on-arrival sa balay-tambalanan ang usa ka Senior Citizen human mabanggaan sa usa ka sakyanan pasado alas 8:10 sa buntag kagahapong adlawa didto sa Purok-1, Barangay Aglayan, Malaybalay City, Bukidnon.
Giila ang biktima nga si Nestor Terig, 67 anyos, minyo, ug residente sa Purok-4A, Barangay Aglayan, ning siyudad samtang ang nakabangga nga usa ka Nissan Pick-up, gimanehu ni Jose Amarante, 37 anyos, ulitawo, ug residente sa Purok-4, Malinao, Kalilangan, Bukidnon.
Sumala sa report sa kapulisan, patabok matud pa sa dalan ang maong Senior Citizen apan wala kini mabantayi sa drayber sa pick-up hinungdan sa pagkabanggaan.
Sa kakusog sa impak, nakahiagom og grabeng injury ug bun-og sa kalawasan ang biktima nga gisuwayan pa og dala sa balay-tambalan apan patay ng gideklara sa doctor.
Gikustodiya karon sa Malaybalay City Police Station ang drayber sa maong pick-up nga mag-atubang sa kasong Reckless Imprudence Resulting to Homicide.
Facebook Comments
