General Santos City–Nagpabiling anaa sa kritikal nga kondisyon ang usa ka 21 anyos nga si Danrey Mudsad, residenti sa 3rd IB, Barangay Fatima, Gensan kansa nadunggaban sa grupo sa mga “Batang Sukarap” sa may Zone 10, barangay Fatima kagahapon sa kaadlawon.
Sumala sa kapuyo sa biktima nga si alias Lily , human sa panihapon nilakaw matud pa ang iyang kapuyo uban sa iyang mga amigo.
Hubog na matud pa ang mga nasangpit dihang nibiya sa ilang lugar. kaadlawon dihang nakurat nalang sila dihang nagkadugo nang miuli ang biktima sa ilang panimalay ug dunay pito ka samad dinunggaban sa lawas.
Gilayon nila kining gidala sa Dr. Jorge Royeca Hospital ang biktima aron mapailawom sa medikasyon.
Giangkon ni Lily nga dugay na niyang ginamaymayan ang iyang kapuyo nga si Danrey nga dili ug sige laag tungod daghan kini kalaban nga mga Sukarap.
Nasayran nga kanhi kining miyembro sa maong grupo, apan dihang sila nag ipon na miundang na ang nasangpit sa sige ug uban-uban sa mga batang sukarap.
Nagtrabaho na usab kini isip laborer sa Gensan fish port. posibli matud pa nga iyang nakasugat ang mga kanhi nilang nakalabang grupo mao nga siya gidunggab sa mga nasangpit.
