HIMAMAYLAN CITY, NEROS OCCIDENTAL – Dead on arrival ang isa ka mangunguma matapos nga ini ang ginbuno sang kaangay man niya nga mangunguma may mga las 4:30 kahapon sang hapon sa Sitio Velez, Brgy. Mahalang, Himamaylan City.
Ginkilala ang biktima nga si Samson Pagayunan, 59 anyos ang edad, kasado kag pumuluyo sang amo nga lugar, samtang, nakilala naman ang suspek nga si Eric Talaman, legal ang edad kag pumuluyo man sang amo nga lugar.
Suno sa pagpangusisa sang Himamaylan City Police Station ang biktima ang nagalakat sa dalan agud kuntani nga magpauli na sa ila balay sang ini ang ginpalapitan sang suspek kag ginbuno.
Wala pa nakuntento ang suspek sa isa ka buno bangud nga sang natumba ang biktima, ini ang iya pa gid ginbuno sang makapila ka beses sa nagkalain-in nga bahin sang iya lawas.
Gindala pa sa Himamaylan City Hospital ang biktima apang ini ang gindeclare dead on arrival sang attending physician, samtang, padayon naman karon nga at large ang suspek./dyHB BACOLOD
