KABANKALAN CITY, NEGROS OCCIDENTAL – Ginpulihan kastigo sang walo ka mga suspek ang isa ka lalaki kagab-i sa isa ka barangay sa ciudad sang Kabankalan.
Ginkilala ang biktima nga si Rey Bayarcal, 23 anyos sang Old Market, Kabankalan City.
Ang insidente natabo pasado las 8 kagab-i sa 6th Street, ciudad sang Kabankalan kon diin suno sa biktima nga samtang ini siya ang nagatindog, ginpalapitan ini sang kapin walo ka mga kalalakinhan kag hinali na lamang nga ginpulihan kastigo.
Nag-angkon sang pilas sa iya ulo si Bayarcal matapos ini ang ginlampusan sang kahoy sa ulo.
Sa pihak nga bahin, didto gihapon sa Kabankalan City, may biktima man nga ginlampusan sa ulo sang hubog nga suspek nga iya man lamang utod.
Ang biktima nakilala kay Jesie Gabales, 34 anyos ang edad sang Brgy. Salong, Kabankalan.
Natabo ang insidente may mga las 10:30 kagab-I sa ila man lamang lugar kon diin hubog ang utod sang biktima kag sa wala mahibaluan nga rason iya sini ginlampusan sa ulo si Gabales.
Sanday Bayarcal kag Gabales ang lunsay gindala sa Corazon Locsion Montelibano Memorial Regional Hospital kag padayon ini karon nga ginabulong./dyHB BACOLOD
