Lalaki gintiro sa ulo sang riding in tandem sa Kabankalan, naospital

KABANKALAN CITY – Isa ka shooting incident ang natabo sa Crossing Ballo, Barangay Magballo las 4:10 kaina sang hapon.

Nakilala ang biktima kay Alberto Arguelles alyas Bongbong, 46 anyos sang amu man nga barangay.

Gindala sa Kabankalan District Hospital ang biktima para sa nagakaigo nga pagbulong matapos nakaagom ini sang igo sang bala sa iya nga ulo.

Duha ka mga lalaki nga naga-angkasanay sa motor ang mga suspek nga nagpalagyo man matapos ang insedente.