Lalaki gintiro sang makalima ka beses sang suspek nga nagasakay sa van

BACOLOD CITY – Lima ka pilas nga igo sang bala ang naangkon sang isa ka biktima nga lalaki matapos ini gintiro may mga las 2:50 sini gid lamang nga kaagahon sa Sitio Sibucao, Brgy. Banago, Bacolod City.

Nakilala ang biktima nga si Alcid John Perales, 29 anyos ang edad, residente sang Purok Bayanihan, Sitio Sibucao sang amo nga barangay.

Suno sa tawo nga nagdala sang biktima sa ospital, ini siya ang gintiro sang wala makilala nga suspek nga nagasakay sa isa ka van.

Nag-angon sang 2 ka igo sang bala sa iya wala kag tuo nga dughan subong man 3 ka igo sa iya sini nga likod kag padayon karon ginabulong sa Corazon Locsin Montelibano Memorial Regional Hospital./dyHB BACOLOD